Home Uncategorised marathi celebrity lockdown work: कुटुंबापासून दूर असलेल्या मराठी कलाकारांची तारेवरची कसरत -...

marathi celebrity lockdown work: कुटुंबापासून दूर असलेल्या मराठी कलाकारांची तारेवरची कसरत – marathi celebrity doing all household work by them self during lockdown


लॉकडाउनला सुरुवात झाल्यानंतर काही कलाकार त्यावेळी जिथे होते तिथेच अडकले. मुंबईत कामानिमित्त राहणारे हे कलाकार गेले पन्नास दिवस त्यांच्या कुटुंबापासून लांब, घरात एकटेच आहेत. कसा आहे हा सर्व अनुभव? नेमका कसा जातो त्यांचा दिवस?लॉकडाउन सुरू झाल्यापासून पुणे-नाशिक-नवी मुंबईचे असलेले काही कलाकार त्यांच्या घरी एकटेच आहेत. इतके दिवस घरापासून लांब राहिल्यानं अर्थातच त्यांना घरची आठवण सतावतेय. पण, या कठीण काळात त्यांनीही घराबाहेर न पडत, प्रवास टाळून एकटंच घरी थांबण्याचा निर्णय घेतलाय.

सुयश टिळक

अभिनेता सुयश टिळक मूळचा पुण्याचा असून, त्याचं कुटुंब पुण्यात राहतं. तो मात्र कामानिमित्तानं मुंबईमध्ये राहतो. कामाचा व्याप पाहता वारंवार पुण्याला घरी जाता येत नाही. एरवी चित्रीकरणाच्या किंवा कामाच्या निमित्तानं इथल्या जवळच्या माणसांची आणि मित्र-मैत्रिणींची भेट व्हायची. परंतु, लॉकडाउन सुरू झाल्यापासून सुयश मुंबईत एकटाच त्याच्या घरी आहे. त्याचा चार पायांचा मित्र ‘मर्फी’ही लॉकडाउन सुरू होण्याच्या तीन-चार दिवस आधी सुयशच्या कुटुंबीयांबरोबर पुण्याला गेला आहे. सुयशही काही दिवसांनी घरी जाणार होता. पण, अचानक लॉकडाउनला सुरुवात झाली आणि तो मुंबईत अडकला. त्यामुळे या काळात सुयश शूटिंग मिस करतोय. कारण, काम सुरू असताना अनेकदा बाकी गोष्टींची चिंता नसल्यामुळे तो शूटिंग सर्वाधिक मिस करतोय. रोज एकटं घरी असणं खूप त्रासदायक असल्याचं सुयश सांगतो. शिवाय, गेल्या वर्षभरापासून ‘मर्फी’ची सवय झाली होती. मात्र आता तोही नसल्यामुळे कंटाळा येतोय. आई-बाबांच्या हातच्या खाण्यातली गंमत त्याला आठवतेय. कुटंबियांची आठवण येतेय. फिरण्याची प्रचंड आवड असल्यामुळे सततचं घरी राहणं आता त्रासदायक वाटू लागल्याचं तो सांगतो.

शर्मिष्ठा राऊत

maharashtra times

लॉकडाउन सुरु झाल्यापासून अभिनेत्री शर्मिष्ठा राऊत आणि तिची लाडकी मांजर ‘चिकू’ या दोघीच तिच्या मुंबईतल्या घरी अडकल्या आहेत. त्यामुळे शर्मिष्ठाला घर आणि कुटुंबाची खूप आठवण येतेय. तरी, ‘बिग बॉस’सारख्या कार्यक्रमातील सहभागानंतर घरी एकटं राहणं फार कठीण नसल्याचं शर्मिष्ठा सांगते. अर्थात, तिकडे टास्क आणि सहकलाकारांशी विविध विषयांवरील चर्चा यामुळे कंटाळा यायचा नाही. आता मात्र सकाळी उठल्यापासून ते रात्री झोपेपर्यंत घरी सगळ्या गोष्टी फक्त एकटीसाठी कराव्या लागतायत. त्यामुळे घरच्यांची आठवण येतेय. नाशिकला घरी जाण्याची प्रचंड इच्छा होतेय. पोलीस परवानगी घेऊन जाण्याचा विचारही केला होता. परंतु तिच्या सुरक्षिततेचा विचार करून प्रवास करणं टाळण्याच्या सूचना दिल्या गेल्याचं ती सांगते. त्यामुळे आम्ही सेलिब्रिटी असलो तरी, आम्हाला परवानगी सहज मिळते असं काही होत नाही, असंही ती सांगते.

भूषण प्रधान

maharashtra times

अभिनेता भूषण प्रधान २० मार्चपासून घरी एकटाच आहे. त्यातही एप्रिल महिना सुरू झाल्यापासून तर तो त्याच्या इमारतीच्या प्रवेश्द्वाराबाहेरही पडला नाही. घरात एकटं राहणं आणि घरातली सगळी कामं स्वतः करावी लागत असल्यामुळे सुरुवातीला हे सगळं कठीण वाटत असल्याचं भूषण सांगतो. ‘घरातला केर काढणं, जेवण बनवणं, भांडी घासणं अशी घरगुती कामं सुरुवातीला आवडत असली तरी नंतर मात्र त्याचा कंटाळा येऊ लागला. एकूणच चिडचिड वाढत होती. पण, एकंदरच विविध कामांमध्ये स्वतःला व्यग्र ठेवलं आहे. लहानपणीच स्वयंपाक करणं शिकलो असलो, तरी एवढ्या वर्षांत जेवण बनवण्याची वेळ कधीच आली नव्हती. शिवाय, माझ्या घरी साधारण दीडशे रोपं आहेत. त्यांची काळजी घेण्यासाठी मी घरीच थांबायचा निर्णय घेतला’, असं भूषण आवर्जून सांगतो. आता मात्र आदल्या दिवशी दुसऱ्या दिवसाची दिनचर्या ठरवत दिवस संपतो. त्यामुळे येणारा दिवस उत्साही राहण्यास मदत होत असल्याचं तो सांगतो.

गौरी नलावडे

maharashtra times

अभिनेत्री गौरी नलावडे संचारबंदी सुरू झाल्यापासून नवी मुंबईला घरी न जाता गोरेगावच्या घरी गेले काही दिवस एकटी राहतेय. काही वेळा बाजूलाच राहणारी मैत्रीण खुशबू तावडेकडेही राहत असल्याचं ती सांगते. एकटं राहणं ही तारेवरची कसरत असल्याचं गौरी म्हणते. पण, याच काळात सकारात्मक गोष्टींवर अधिक विचार होतो, असंही ती म्हणते. दिवसभरातून फक्त एकदाच बातम्या बघते. त्यामुळे नकारात्मकता आपोआपच लांब राहते, असं तिला वाटतं. शिवाय, सोशल मीडियाच्या वापरावर मर्यादा घालून घेतल्या आहेत. एक तासानंतर सोशल मीडियाचा वापर थांबवण्याची सूचना देणाऱ्या अॅपचा वापर करत असल्याचं ती सांगते. घर आणि कुटुंब यांची आठवण येत असली, तरी सद्यपरिस्थितीत आहोत तिथेच थांबणं योग्य असल्याचं ती सांगते. शिवाय, मिळालेल्या वेळेचा स्वतःसाठी सदुपयोग करत असल्याचं ती नमूद करते.



Source link

LEAVE A REPLY

Please enter your comment!
Please enter your name here

Stay Connected

1,500FansLike
3,650FollowersFollow
2,163FollowersFollow

Most Popular