Home Uncategorised how to protect pregnant women: डॉक्टरांचा सल्ला : गरोदर महिला आणि नवजात...

how to protect pregnant women: डॉक्टरांचा सल्ला : गरोदर महिला आणि नवजात बालकांची अशी घ्या काळजी – how to protect pregnant women and the newborns from flu like symptoms doctors opinion


मातृत्त्व हा अत्यंत आनंदाचा क्षण असतो. पण यासोबतच आता बाळाची काळजी कशी घ्यायची याविषयीची माहिती ठेवणंही महत्त्वाचं बनलं आहे आणि त्यातच डॉक्टरांची वेळ घेणे आणि वैद्यकीय चाचण्या हे तणावाचं बनलं आहे. असे अनेक मार्ग आहेत, ज्यातून आई स्वतःची आणि आपल्या बाळाची उत्तमरितीने काळजी घेऊ शकते. मग आरोग्यदायी आहार असो, प्रसूतीपूर्व व्यायाम असो किंवा परफेक्ट आई होण्यासाठीच्या विविध टिप्स वाचणं असो. विशेषतः विविध लस घेणं हा एक मुद्दा आहे. प्रसूतीपूर्व, प्रसूती नंतर, एक बाळासाठी आणि एक आईसाठी अशा विविध लस घ्याव्या लागतात. या सगळ्यांची यादी एकाच ठिकाणी तुम्हाला देत आहोत. डॉक्टरांनी दिलेल्या या यादीतील प्रत्येकाची काळजी घेणं तेवढंच महत्त्वाचं आहे.

लसीकरणाचं कमी प्रमाण

गरोदरपणाच्या काळात मातृत्त्व लसीकरणात भारतात विविध ट्रेंड्स दिसून येतात. यातील सर्वसाधारण ट्रेंड म्हणजे अनेकांपर्यंत लसीकरण पोहोचतच नाही. माहितीची कमी असणे आणि शिफारस न करणे यामुळे गरोदर महिला लसीकरण घेत नसल्याचं दिसून येतं. अनेक लसीकरण आहेत, ज्याकडे दुर्लक्ष केलं जातं. भारतात विशेषतः इन्फ्लुएन्झा लस म्हणजेच शीतज्वर याकडे दुर्लक्ष केलं जातं. अमेरिकेत रोग नियंत्रण आणि प्रतिबंधात्मक केंद्र, शिवाय अमेरिकन कॉलेज ऑफ ऑब्स्टेट्रिशियन अँड गायनोकॉलॉजिस्टकडून केली जाणारी ही अनिवार्य शिफारस आहे.

गरोदर महिलांमध्ये तापाचं प्रमाण

pregnant women

बिगर गरोदर महिलांच्या तुलनेत गरोदर असणाऱ्या स्त्रियांना मोसमी किंवा अचानक आलेल्या तापाचा धोका अधिक असतो हे सिद्ध झालेलं आहे. शिवाय गरोदर महिलांमध्ये गरोदरपणात जे शारीरिक बदल होतात, त्यामुळे हा धोका आणखी वाढतो. गरोदर मातेची रोगप्रतिकारक क्षमता ही फक्त स्वतःसाठीच नव्हे, तर तिच्या बाळासाठीही तेवढीच महत्त्वाची असते. बाळ ६ महिन्यांचं होईपर्यंत याचं महत्त्व असतं. जन्मानंतर सुरुवातीला बाळ हे आईच्या दुधावर अवलंबून असतं, ज्याने त्याची रोगप्रतिकारक क्षमता वाढते.

शीतज्वर होण्याचे परिणाम

ताप येण्याचा धोका हा गरोदर महिलांमध्ये अधिक आहे. त्यामुळेच गरोदर महिलांवर केलेल्या विविध संशोधनात सिद्ध झालं आहे की, प्रतिकूल जीवघेणा परिणाम, बाळाचा अकाली जन्म, बाळाचं कमी वजन आणि सिझर करावं लागणं हे सुद्धा शीतज्वरामुळे होतं.

२००९-१० मध्ये एच१एन१ विषाणूचा कहर सुरू असताना अधिक गरोदर महिला आयसीयूमध्ये दाखल करण्यात आल्या होत्या आणि इतर महिलांच्या तुलनेत त्यांच्या मृत्यूचा दरही अधिक होता. सहा महिन्यांखालील बाळांनाही तापीसंबंधी तक्रारींमुळे मोठ्या प्रमाणात दवाखान्यात दाखल करण्यात आलं होतं. ६५ वर्षांवरील वृद्धांच्या नंतर बाळांना रुग्णालयात भरती करण्याचं प्रमाण दुसऱ्या क्रमांकावर होतं.

लसीकरणाची मदत कशी होते?

बाळ आणि आई दोघांमधील आजारी पडण्याचा धोका दूर करण्यासाठी लसीकरण हा सर्वात प्रभावी मार्ग आहे. बाळा पूर्णपणे आईवरच अवलंबून असतं. गरोदर महिलांना इन्फ्लूएंझा लसीची पहिल्यांदा १९६० मध्ये शिफारस करण्यात आली आणि त्यानंतर यावर मोठ्या प्रमाणात संशोधनही झालं. सध्या सर्व गटातील गरोदर महिलांना लसीकरण करण्याबाबतची सल्लागार समिती आणि WHO कडून लसीकरणाची शिफारस केली जाते.

प्रसूती आणि स्त्री रोगविषय संस्थेकडूनही एन्फ्लुएंझाचा धोका टाळण्यासाठी लसीकरणाची शिफारस केली जाते. लसीकरण झालेल्या महिलेच्या बाळाचं वजन कमी असणे किंवा अकाली जन्म हे प्रमाण कमी असल्याचं अभ्यासातूनही सिद्ध झालं आहे.

maharashtra times

प्रातिनिधिक फोटो

गरोदरपणाच्या सुरुवातीलाच डॉक्टरांकडून लसीकरणाचा सल्ला याच सर्व कारणांसाठी दिला जातो. भारतात साथीच्या आजारांचं प्रमाणे देशाच्या भागात वेगवेगळं आहे. त्यामुळेच हे टाळलं जाऊ शकतं आणि लसीकरणाबाबत डॉक्टरांकडून सल्ला घेणं अधिक फायदेशीर आहे. तुमचीही नुकतीच प्रसूती झाली असेल आणि लसीकरण झालेलं नसेल तर ते तातडीने करून घ्या. मातेसह तुमचं बाळही यामुळे अधिक सुरक्षित होईल.

सुरक्षितपणे बाळाला जन्म देणे आणि सर्व सुरक्षा पाळणे यासाठी योग्य तो सल्ला आवश्यक आहे. लसीकरणाबाबत आजच तुमच्या डॉक्टरांचा सल्ला घ्या, बाळाला जन्माच्या अगोदर आणि जन्मानंतरही लस देण्याबाबत गांभीर्याने विचार करा.

maharashtra times

डॉ. सुचित्रा पंडित

हा लेख डॉ. सुचित्रा एन. पंडित यांनी लिहिला आहे. डॉ. सुचित्रा या सूर्या रुग्णालय समुहामध्ये सल्लागार आहेत. शिवाय त्या ISOPARB आणि AICCRCOG च्या अध्यक्षा असून FOGSI (Federation of Obstetrics n Gynecological societies of India ) च्या माजी अध्यक्षा आहेत. वैद्यकीय क्षेत्रात त्यांचा ३० वर्षांहून अधिक अनुभव आहे.

संदर्भ

https://www.ncbi.nlm.nih.gov/pmc/articles/PMC4122531/

https://www.cdc.gov/flu/highrisk/pregnant.htm

https://www.ncbi.nlm.nih.gov/pubmed/28510067

डिस्क्लेमर : या लेखात नोंदवण्यात आलेली मते डॉक्टरांची स्वतंत्र मते आहेत. आम्ही त्यांच्या अचूकतेची जबाबदारी घेत नाही. फिजिशियनच्या सल्ल्याचा पर्याय म्हणून याचा विचार केला जाऊ नये. अधिक माहितीसाठी तुम्ही उपचार घेत असलेल्याच डॉक्टरांचा सल्ला घ्यावा.
डिस्क्लेमर : हा लेख अबॉट इंडियाच्या Mothers Against Influenza या उपक्रमाच्या वतीने टाइम्स इंटरनेटच्या स्पॉटलाइट टीमकडून प्रसिद्ध करण्यात आला आहे.



Source link

LEAVE A REPLY

Please enter your comment!
Please enter your name here

Stay Connected

1,500FansLike
3,650FollowersFollow
2,163FollowersFollow

Most Popular