Home Uncategorised failed recipes during dockdown: सेलिब्रिटींचा स्वयंपाक घरातला प्रयोग फसतो तेव्हा...! - marathi...

failed recipes during dockdown: सेलिब्रिटींचा स्वयंपाक घरातला प्रयोग फसतो तेव्हा…! – marathi celebrity share their failed recipes during dockdown


करोना व्हायरसचा संसर्ग रोखण्यासाठी लॉकडाऊन असल्यामुळं सगळ्यांनाच ब्रेक मिळालाय. त्यामुळं टाइमपाससाठी बरंच काही सुरू आहे. अनेक कलाकार सध्या आपापल्या घरी किचनमध्ये रमले आहेत. प्रत्येक जण काही ना काही नवा खाद्यपदार्थ शिकण्याच्या आणि बनवण्याच्या प्रयत्नात आहे. काही कलाकारांचा स्वयंपाक घरातला हा प्रयोग यशस्वा झाला असला तरी काही कलाकाराच्या हाती निराशा आलेली दिसतेय. कलाकारांनी देखील त्यांच्या फसलेल्या आणि चुकलेल्या रेसिपीज देखील चाहत्यांसोबत शेअर केल्या आहेत. अभिनेत्री धनश्री काडगांवर आणि प्राजक्ता माळी, अभिनेता अमेय वाघ यांनी त्यांच्या पाककलेचा फसलेला प्रयोग सोशल मीडियावर शेअर केला आहे. तसंच अभिनेता कुशल बद्रिके यांनं त्याच्या बायकोचा म्हणजेच सुनैना हिनं केलेला गुलाबजाम करण्याचा अयशस्वी प्रयोग काय असतो हे व्हिडिओ शेअर करून सांगितलं आहे.

​या जन्मात मी सुगरण होणे नाही

अभिनेत्री प्राजक्ता माळी चाहत्यांना योगाचे धडे देत असली तरी स्वयंपाक घरातही ती काही विशेष प्रयोग करताना दिसतेय. काहीतरी चमचमीत खायचं म्हणून तिनं सलग दोन दिवस एकच पदार्थ करून पाहिला.पण तो काही तिला जमला नाही. प्राजक्ताला लसानिया बनवायचा होता.चीज आणि मेक्सिकन किंवा इटालियन सॉसमध्ये घोळवलेला पास्ता हा अनेकांचा आवडीचा पदार्थ असतो. प्राजक्तानं पहिल्या दिवशी केला तेव्हा लसानिया कच्चा राहिला. दुसऱ्या दिवशीही करून पाहिला…पण तो करपला.त्यामुळं ‘या जन्मात मी सुगरण होणे नाही’, असं प्राजक्तानं तिच्या कॅप्शनमध्ये म्हटलं आहे. #सुमारसुगरण असा हॅशचॅगही तिनं वापरला आहे.

​गुलाबजाम की आणखी काय?

maharashtra times

अभिनेता कुशल बद्रिके यानं इन्स्टाग्रामवर एक व्हिडिओ शेअर केलाय. त्यात त्याची बायको सुनैना गुलाबजाम करताना दिसते.पण गुलाबजामच्या प्रयोगानं मात्र तिला घाम फुटल्याचं दिसून येत आहे. या व्हिडिला कुशलनं भन्नाट कॅप्शनही दिलं आहे. ‘पदार्थाची चव चुकते तिथपर्यंत ठिक आहे, पदार्थचं अनोळखी वाटू लागल्यावर माणसानं काय करायचं ? आमची ही म्हणत होती गुलाबजाम केलेत .ते खायचे कसे तेवढच कळत नव्हत फक्त मला.ह्या lockdown मध्ये आणखीन काय काय बघायला मिळणार आहे कोणाच ठाऊक�� तुमच्याघरी ओळखीचे पदार्थ होतात काओ?’असं कुशलनं त्याच्या कॅप्शनमध्ये म्हटलं आहे.

​तुमचा कधी एखादा पदार्थ फसला आहे का???

maharashtra times

अभिनेत्री धनश्री काडगांवकर घरातली कामं शिकून घेत आहे. आरोग्याकडं लक्ष देत आहे. व्यायम करत आहे. विशेष म्हणजे धनश्री स्वयंपाक घरात जास्त दिसून येतेय. नव नवीन पदार्थ शिकतेय. इन्स्टाग्रामवर तिनं अनेक व्हिडिओ शेअर केले आहेत. एका व्हिडिओत ती भाकरी बनवताना दिसत आहे. तर एका व्हिडिओत तिनं तिच्या फसलेल्या रेसिपीबद्दल सांगितलं आहे. उपवासाच्या दिवशी धनश्रीनं भगरीचा भात करताना राजगिऱ्याच्या दाण्यांचा भात केला होता. त्यानंतर तिनं व्हिडिओच्या माध्यमातून चाहत्यांनाही गंडलेल्या रेसिपी शेअर करायला सांगितल्या.

​कशी लाटू पोळी?

maharashtra times

सध्या घरी असताना कलाकार मंडळी नवनवीन गोष्टी शिकण्याचा प्रयत्न करताहेत. कुणी आपले छंद जोपासतोय, तर कुणी स्वयंपाकघरात रमतोय. अभिनेता अमेय वाघ देखील गेले वीस दिवस एक गोष्ट करण्याचा प्रयत्न करतोय. ती म्हणजे चपाती, पोळी गोल लाटण्याचा. पण, त्याची पोळी काही केल्या गोल होण्याऐवजी रोज वेगवेगळ्या आकाराची होते. त्यामुळं अमेयनं चाहत्यांना मदत करण्याचं आवाहन सोशल मीडियावरुन केलंय. बोला, तुम्ही अमेयला पोळी लाटायला शिकवणार का?



Source link

LEAVE A REPLY

Please enter your comment!
Please enter your name here

Stay Connected

1,500FansLike
3,650FollowersFollow
2,163FollowersFollow

Most Popular